Conselh de la Joventut d’Òc

la plataforma de la joventut occitana
Acuelh dau sit > Activitats > ANEM TOTES AL MAC D'ÒC!
  • Article

  ANEM TOTES AL MAC D’ÒC!

dissabde 12 de mai de 2007

Lo dissabte 26 de mai 2007, nos podretz retrobar al festenal "Mac d’Oc écoute et mange" a Arvieu (12). Aital, s’avètz pas encara agut la vòstra capòta occitana ni crompat la vòstra bilheta de tombòla, serà lo moment ! Lo programa del Mac d’Oc es quasi tant interessant coma lo Conselh de la Joventut : 5 CONCÈRTS AL PROGRAMA


- 19h30 : MONESI : polifonias femininas de Bearn
- 20h45 : BRIK A DRAC turbò-fòlc d’Avairon (los coneissètz ja se avètz fach lo cap d’an amb lo Conselh en 2005)
- 22h15 : TOMA SIDIBE : Musica colorada d’Africa e de pertot
- 00h15 : LES TAMBOURS DU BRONX que festejan ongan lors 20 ans !!!
- 02h00 : RADIOCHANGO SOUNDSYSTEM : mestizo’s DJ reggae songs & latin’s rebel style [sic] !

Vesètz que ongan lo Mac d’Oc fa – e es normal – una part brava a Occitània, mas es tanben l’escasença de veire de musica d’un pauc pertot.
AL PLASER DONCAS !

Luòc : Arvieu (12)
Dubertura del site : a partir de 19h
Entrada : 8€ abans 21h00 e 9,99€ aprèp.
Coma lo nom o indica, s’i pòt manjar, plan e pas car : Per entre 5 e 20€, podretz manjar de tripós, d’aligòt, de ròcafòrt, de laguiòla, fetge gras, ensalada, cambajon, vedel fermièr del Segalà, pastís a l’ast, majofas, chuc de poma, licor de castanha, cerveza d’Aubrac, vin de Marcilhac (que te fa levar la coeta), ratafià, fogaça... enfin de tot que!

Mai d’informacions sul festenal : Comité d’animation d’Arvieu 12120 Arvieu
Tel : 0565467721
Site internet : http://www.tripoo.com