dimenge 24 de decembre de 2006
Foguèt una capitada l’an passat e i tornam ongan !
Se farà a Espèrça (31) a la sala de las fèstas. Venètz plan nombroses festejar l’arribada de la novèla annada alentorn del Milhàs del cap de l’an. I aurà tanben de musica occitana de tota mena per dançar amb los Tira-Taps, de scènas dubèrtas... e plan de suspresas!
Al menú : aperitiu, tòstas, bufet dels plats de totes, ensalada, formatge, milhàs amb mèl, confitura, sucre... vin, cafè, blanqueta.
Coma participacion : la vòstra bona umor e un plat salat. L’entrada es de 10€ pels aderents al Conselh de la Joventut e de 15€ pels autres.
Per reservar o s’entresenhar, esitètz pas de nos jónher al 06 10 82 86 95 (Cecila) o al 05 61 08 97 33 (Olivièr). Per organisar de co-veituratges de mai d’un canton d’Occitània, apelatz al meteisses numèros. Espèrça es a 10 minutas d’Autariba, 45 minutas de Tolosa, 2 oras 50 de Rodés e de Montpelhièr.
Organisat en partenariat amb lo Cèrcle Occitan Edoard Lamorèra.