diluns 26 de junh de 2006
Coma parlar d’un avenir per l’occitan
sens nosautres, los jòunes ?
Qué será l’occitan deman
si auei, nosautres, jòunes, nos bolegam pas ?
Lo Conselh de Representacion Generala de la Joventut d’Òc (CRGJÒC) gropela daus jòunes d’organisacions culturalas, politicas e socialas de tots los País d’Òc.
As mens de 32 ans ? Ses membre d’una organisacion qu’a la volontat de promòure la lenga e la cultura occitanas ? Vaque la representar au Conselh de la Joventut d’Òc ! Tant mai siram, tant mai fòrts vendram !
Lo CRGJÒC es tanben membre dau YEN (Youth of European Nationalities) qu’amassa daus jòunes d’organisacions europencas que militan per las culturas minorisadas.
L’associacion es principalament finançada per subvencions, dons e escotissons.
Representar los jòunes daus País d’Òc e lors revendicacions davant las administracions publicas e privadas, e au-dedins d’Euròpa.
Esser una plataforma de rencontra per los jòunes occitans, un mejan de fonccionar ensemble, d’eschamnhar entre jòunes de las diferentas regions occitanas.
Promòure l’usatge de l’occitan dins la societat mai que mai per los jòunes. Far prener consciénça aus jòunes occitans de lor lenga e de lor cultura.
Organisacion d’un Congrès anuau, luòc de rencontra e d’eschamnhe.
Iniciativas e activitats per la societat civila e acòrds de colaboracion emb d’autras organisacions.
Sensibilizacion constanta vers los elegits d’Occitània.
Oferta de servicis : mesa en contact, difusion de l’informacion, ajuda, orientacion ...
Revendicacion e manifestacions publicas.
Eschamnhes emb las autras minoritats europencas.
Amassadas festivas (cap d’an, Estivada, ...)
Joventut d’òc
avem una votz de portar
dins l’avenir qu’es de se farjar
per nòstra lenga e nòstra cultura !
=> Aderar